VIGAN CITY- “Nu saan pay a nakasagana, saan pay nga ipatungpal”, dayta iti inbalakad ni Sen. Koko Pimente iti panangiduron ti administrasyon niPresidente Rodrigo Duterte iti panagbaliw ti sistema iti gobierno nga agturong ti pederalismo.
Ti ekslusibo a pannaki-uman ti Bombo Radyo Vigan ken ni Pimentel, naibagana a manarimaan latta ti nainget nga information drive da inaig ti pederalismo ngem nu adu latta dagiti tattao a saan a makaawat ket saan a mabalin a mapursaran ida nga amuen dagiti banag inaig iti pederalismo.
Innayonna a kasapulan latta iti gobierno ti tulong dagiti sabali nga opisyal ngem kasapulan a pilyen dagiti tattao a pagpatulungan tapnu saan nga isu iti pakaisagsagmakan kas ken ni PCOO Asec. Mocha Uson.
Maipalagip nga adu iti nangkondenar ken ni Uson ken ti kaduana a ni Drew Olivar gapu iti “ipepedederalismo” video nga inupload na iti blog site na nga inbaga da nga aramaten da tapnu maala iti atensyon ti publiko tapnu agdengngeg da iti panangilawlag da ti pederalismo.
