Sinitar ni Senador Imee Marcos a sangapulo ket dua a secretaries ti agdama pay laeng nga adda iti acting capacity-na iti baet a nangrugin ti Kongreso iti budget season.
Iti budget hearing para iti P7.2 billion a 2027 national budget, binabalaw ni Sen. Marcos nga uray secretary iti Department of Budget and Management (DBM) a ni Sec. Kim Robert de Leon a manarimaan a mangdepdepensar iti2027 NEP ket adda pay laeng iti acting capacity.
Impaganetget ti senadora nga agig-iggemda ti napateg nga akem iti gobierno ngem awan ti discretionary wenno personnel movements a mabalin nga aramiden ta adda iti acting capacity laeng wenno saan pay a nakumpirmar dagiti ad interim appointments.
Madanagan ti senadora no kasano a matignayan ti krisis iti intero a lubong no 12 a miembro iti adda pay laeng ti acting capacity ken limitado laeng dagiti mabalinda nga aramiden.
