--Ads--
Kinuestionaran ni Sen. Imee Marcos ti Department of Social Welfare and Development (DSWD) iti Senate hearing iti proposed 2025 budget mainaig iti supplemental feeding program para kadagiti ubbing iti day care system iti lima nga aldaw iti makalawas, a ti saklawna ket dagiti ubbing nga agtawen iti 3 agingga iti 5.
Dinamag ti senador, ania ti resulta ti nasao a programa ken no talaga a makatulong daytoy tapno nasalun-at dagiti ubbing.
Sungbat met ni DSWD Sec. Rex Gatchalian a nagipasa kadakuada dagiti local government units maipapan iti epekto ti feeding program ti DSWD para iti wasted ken severely wasted status dagiti ubbing, ken kunana nga adda improvement.
Impasigurado pay ti ahensia nga ipasada ti post feeding reports iti komite.
-- ADVERTISEMENT --
