--Ads--
Kimmontra ni Senador Imee Marcos iti gakat a maipataw iti “no work, no pay” rule ken ni Sen. Ronald ‘Bato’ dela Rosa gapu iti nabayag a panaglanganna iti Senado.
Segun ken ni Marcos, nahilig nga agtrabaho ni Dela Rosa ken saan a sadut.
Kinuna ti senador a napilitan laeng a lumiklik gapu iti patangan seguridad mainaig iti kaso iti International Criminal Court.
Ni Dela Rosa ket karaman kadagiti nainaganan a ‘co-perpetrator’ ni dati a Presidente Rodrigo Duterte iti mapapati nga extrajudicial killings iti salinong ti war on drugs.
-- ADVERTISEMENT --
Innayon pay ti senador a ti pudno a panaglangan ni Dela Rosa ket ti kinaawan ti nalawag a pannakaipasigurado iti liderato ti Senado a masalwadan isuna kontra iti posible a pannakakemmegna.
