Patien ni Senador Risa Hontiveros a rumbeng a kiddawen ti dusa manipod kadagiti opisyal a nagpanggep a mangilimed ti kaso a drug war victim a ni Kian delos Santos.
Dayta ket kalpasan a pinatibker ti Korte Suprema ti conviction iti tallo a polis a karaman iti pammapatay ken ni delos Santos.
Segun ken ni Sen. Hontiveros, ita a nagdesisyon ti korte ti maysa a “senseless act of murder” ti pammapatay ken ni Kian, rumbeng a kiddawen ti dusa dagiti opisyal a nagpanggep a mangilimed ti insidente ken nagsalawasaw tapno i-justify iti pannakatayna.
Kinunana a ti panagkedked ti Korte iti apela dagiti polis a karaman ken panangpatibker iti conviction-da iti kaso a murder ken pammaneknek a napapatay ni Kian nga awan iti labanna.
Impaganetget ti senador nga ad-adu pay iti rumbeng a madusa gapu iti pammapatay ken panagabuso a konektado iti tokhang.
