Impatangken ni Senate Deputy Minority Leader Sen. Risa Hontiveros nga addan ti nalawag a legal basis ken umanay a kalintegan iti Pilipinas tapno maisuko ni Kingdom of Jesus Christ leader Pastor Apollo Quiboloy idiay Amerika.
Segun ken ni Sen Hontiveros, uray adda agdama a sangsangwen a kaso ni Quiboloy iti Pilipinas ket mabalin latta a maipan idiay Amerika tapno sangwenna pay dagiti kaso iti US ken maisubli iti Pilipinas tapno sangwen ti dusa kenkuana gapu kadagiti naaramidna a krimen iti pagilian.
Kinuna ni Hontiveros nga adda dagiti nagbalin a biktima ti pastor idiay Amerika a nabayagen nga agur-uray iti hustisya ken saan a husto a pabayagen pay iti ilablabanda ta maysa laeng dayta a panang-delay iti hustisya a kayat a magun-od dagiti biktima.
Ti pananganamong pay iti gobierno ti maysa a temporary surrender ket maysa a wagas iti panangtulong kadagiti biktima idiay Amerika bayat a sigsiguradoen a saan a mapukaw dagiti kaso a sangsangwan ti Pastor iti pailian.
