Nangipila ni Senador Risa Hontiveros iti resolusion a ti gagemna ket irugin ti Senado nga imbestigaran ti kaso ti panagabuso kadagiti ubbing iti maysa a pasilidad idiay Mexico, Pampanga.
Nadutokan ti Senate Committee on Women, Children, Family Relations and Gender Equality a mangisayangkat iti hearing mainaig iti panagabuso kadagiti ubbing babaen iti Amerikano a pastor.
Maibasar iti Senate Resolution 77, nasken a mapapigsa ti child protection laws, ken sumayaat ti regulasion ken monitoring kadagiti publiko ken pribado nga child-caring institutions.
Sangwen ti Amerikano a pastor ti reklamo a panaglabsing iti Special Protection of Children against Abuse, Exploitation, at Discrimination Act.
Isagsagana met ti Bureau of Immigration ti deportation ti pastor kabayatan a nag-isyu met ti cease and desist order ti DSWD kontra iti balay-pagampunan.
