--Ads--
Nangipila ni Senate Committee on Basic Education Chairman Senator Sherwin “Win” Gatchalian iti gakat a mangkissay iti tawen ti panagadal dagiti estudiante iti kolehio.
Manipud iti uppat a tawen, kayat ni Sen. Gatchalian a pagbalinen laengen a tallo.
Segun ken ni Gatchalian, apagserrek ti maysa nga estudiante iti kolehio ket major subject a dagus ti adalennan ta dagiti general subject ket naadaldanto metten iti Senior High School.
Gagem ti gakat a saan a maulit dagiti kurso ken maipamaysa dagiti agad-adal ti specialization-da.
-- ADVERTISEMENT --
Impaganetget ti senador a nasken a maisuro ti soft skill kadagiti estudiante iti SHS, agraman ti critical thinking, communication, problem solving, socio-emotional skills, creativity, ken collaboration.
