Immapela ni Senate President pro-tempore Jinggoy Estrada iti Filipino community idiay Canada nga ital-o ti kinabannuar kadagiti padada a Pilipino a biktima iti napasamak kabayatan ti Lapu-Lapu Festival idiay Vancouver.
Nagpanawagan ni Estrada kadagiti Pilipino iti nasao a pagilian a tulongan dagiti kailianda nga agkasapulan wenno nairaman iti aksidente.
Segun iti senador, dagiti kastoy a gundaway ti nasken a pangipakitaan iti kinabannuar tapno maipakita ti suporta, panagkaykaysa ken maikkan pigsa ti pamilia dagiti biktima tapno malasatanda ti pannubok.
Kinondenar met ni Senador Risa Hontiveros ti inladawanna a kinaranggas a naaramid kadagiti Pilipino a nakapia a mangramrambak iti kultura ken tawid kadakuada.
Namnamaenna a mapaay ti Konsulado ti Pilipinas idiay Vancouver ken dadduma pay nga ahensia ti amin a kasapulan a tulong kadagiti pamilia dagiti biktima ken ipasigurado a magun-odda ti hustisia.
