Posible a maikkat ti public office ni Senator Erwin Tulfo kalpasan a naduktalan iti panagdenggeg iti budget ti Senate Electoral Tribunal (SET) nga adda naipila iti senador a quo warranto petition.
Iti panagdenggeg ket kinuna ni SET Eleanor Francisco-Anunciacion ti impormasyon nga adda quo warranto petition kontra iti maysa a miembro iti Senado a naipila idi July 15, 2025 gapu iti isyu ti citizenship ngem saanda nga innaganan ti senador.
Nupay kasta, ti slide presentation iti SET ket nakailanad ti naipila a disbarred lawyer a ni Bertni Cataluna Causing a quo warranto kontra ken ni Sen. Erwin Tulfo.
Nakapenpen agingga ita iti SET ti nasao a petisyon ken agdama a maidaldalan ti preliminary actions kas mayataday iti procedures ken rules iti tribunal.
