Nagpanawagan manen ni Senate Blue Ribbon Committee Chairman Erwin Tulfo ti napardas a pannakaipasa ti Masterplan for Infrastructure and National Development wenno MIND Act tapno maaddaan iti napaut a plano ti imprastruktura iti intero a pagilian.
Segun ken ni Tulfo, masapul a maitunos dagiti proyekto iti maymaysa a master plan tapno maliklikan ti pending, saan pay a nalpas ken substandard nga imprastruktura a mangsayang iti pondo ti publiko.
Impaganetgetna a rumbeng a maipangpangruna ken maileppas dagiti agdama a proyekto bayat a dagiti baro a proyekto ket maibasar kadagiti napaut a kasapulan agingga iti lokal a lebel.
Pinasingkedan ti senador a nasken a nalagda, napaut ken natalged dagiti imprastruktura tapno magunggonaan ti publiko uray agbaliw ti administrasion.
