Pinasingkedan ni Executive Secretary Lucas Bersamin a mabalin a maarestar ni Senador Bato dela Rosa no mangiruar iti warrant ti International Criminal Court mainaig iti nadara a war on drugs ti Duterte administration.
Segun ken ni Dela Rosa, kas met laeng iti panangtrato ti gobierno ken ni dati a Presidente Rodrigo Duterte a nakemmeg ditoy pagilian ken naipan idiay Netherlands ti pannakatrato ni Dela Rosa.
Iti agdama, naibalud idiay The Hague, Netherlands ni Duterte ta maim-imbestigaran ti nadara a war on drugs ti administrasyonna.
Maipalagip a nangipila iti resolusyon ni Dela Rosa kadua da Senador Robin Padilla ken Bong Go a mangallukoy iti gobierno a wayawayaan ti dati a presidente babaen iti house arrest iti maysa a pagtaengan idiay The Hague.
