--Ads--
VIGAN CITY– Makitaripnong ni Ilocos Sur 1st District Rep. DV Savellano kadagiti kameng ti Bureau of Plant Industry (BPI) tapnu mapagpapatangan nu kasanu a mapadur-as iti industriya ti bawang ditoy probinsiya, pakairamananen iti sibubukel a pagilian.
Mainaig daytoy iti mapapati a mapaspasamak a bawang cartel nga inbutaktak ni Sen. Cynthia Villar a nangpangina iti presyo ti bawang iti laksid a makanay a produksiyon dagiti mannalon.
-- ADVERTISEMENT --
Segun kenni Cong. Savellano, tutukan da iti cartel ti bawang tapno saan a maparigat dagiti mannalon ken dagiti aggatang.
Inlawlawag ti opisyal a gatangen dagiti negosyante ti bawang iti presyo ket idulin da tapno isudanto iti mangkontrol iti presyo inton awanen iti magatang dagiti consumer.
