Nagpanawagan ni Senate Minority Leader Alan Peter Cayetano iti naun-uneg ken komprehensibo nga imbestigasyon iti mapapati nga iregularidad kadagiti proyekto iti flood control, ta nga agpokus laengen iti mapapati a partial report iti Senate Blue Ribbon Committee.
Segun ken ni Cayetano, saan nga umadas ti panagtratar iti pakpaka-una a report no saan met a karaman iti intero a ladawan iti isyu.
Segun ti senador, adda peggad a malimitaran ti imbestigasyon no ti agbalin a pagbasaran laeng ket ti draft report nga inruar ti Senate President Pro Tempore ken Blue Ribbon Committee Chair Panfilo “Ping” Lacson idi Pebrero nga agingga ita ket saan pay a napirmaan iti umdas a bilang dagiti senador tapno maipasango iti plenaryo.
Inaminna a no pay saan pay a nabasa iti sumagmamano a senador iti nasao a report, saanda pay laeng a nagtulag ti dadduma a linaon isu a kasapulan pay a maadal a nalaing.
Saan met a mangipasimudaag a saan a kayat nga agpirma iti dadduma nga agpampanday linteg no diketdi adda dagiti paset a kasapulan a maadal ken malawagan.
