--Ads--
Inimbitaran ni Sen.Alan Peter Cayetano ni Sen. Panfilo “Ping” Lacson a bumisita idiay Taguig tapno makitana ti kinapudno iti ipabpabasulna kenkuana.
Dayta ket adda pakainaiganna iti pammabasul ni Lacson a kontrolado ni Cayetano ti operasion ti Department of Public Works and Highways iti siudad maibasar iti lima a case studies ket adu ti irregularidad ti proyekto ni Cayetano.
Karamanen ti double appropriations iti maymaysa a proyekto ken overlapping Slope Protection Projects nga aggatad iti milion a pisos.
Segun ken ni Cayetano, recycled laeng dagiti ladawan nga inpresenta ni Lacson ket kinunana pay a nawaya ni Lacson ken ti publiko a bumisita idiay Taguig tapno makitada ti kinapudno iti likudan dagiti ladawan ken dokumento.
-- ADVERTISEMENT --
