Pinalagipan ni Senate Committee on Health chairman Christopher “Bong” Go iti publiko nga agdoble agannad iti panagserrek iti nalamlamiis a panawen a gapuanan pay iti nangato a pangta ti respiratory ken viral infections.
Segun ken ni Go, ti panawen ti Amihan ket ngumatngato ti bilang aguyek, agpanateng ken agtrangkaso kangrunaan kadagiti ubbing ken nataengan.
Impaganetget ti agpampanday linteg ti kinapateg ti preventive health practices kas ti husto a hygiene, panagsuot iti mayannatup a bado iti nalamiis a panawen ken panangsigurado iti nasayaat a bentilasyon iti pagtaengan.
Inallukoyna iti publiko a gundawayan ti libre a medical consultations ken serbisyo kadagiti government health facilities kas ti Super Health Centers, kasta payen ti medical assistance programs iti Malasakit Centers.
Impalagip pay ti senador ti husto a nutrision ken hydration ta posible a kumapsot iti immune system iti napaspas a panagbaliw iti temperatura.
