Nakasagana ni Sen. Ronald “Bato” Dela Rosa a masaludsod babaen kadagiti padana a senador iti panagdengngeg inaig ti war on drugs ti Duterte administration inton Lunes.
Segun ken ni Dela Rosa, ididiayana ti bagina kas resource person ken saan laeng a miembro ti Senate Blue Ribbon Committee nga agimbestigar.
Impasigurado ti senador a saan isuna a marurod no isuna mismo ti gisaen dagiti miembro ti Senate Blue Ribbon Committee inaig iti naipatungpalda a kampanya kontra droga tapno mairuar ti kinapudno.
Nakasagana pay met a mangsangat kadagiti nangpabasul kenkuana inaig iti self-confessed drug lord Kerwin Espinosa inaig kadagiti alegasyon kontra kenkuana kasta payen ni dati a Police Colonel Jovie Espenido a bumaliktad kadagiti immuna a testimonyana idi iti Senado kontra ken ni Sen. Leila de Lima.
Natalek ti senador nga agbalin a balanse ti hearing ti Senado ngem iti Quad Comm ti Kamara ken mairuarda ti kinapudno.
Innayonna nga awan ti pagbabawyanna iti naipatungpal a war on drugs ket no maikkan iti gundaway ket ulitenna dagiti inaramidna.
