Aminado ni Senator Ronald “Bato” dela Rosa a ti rikna na ket trinaydor ti gobierno iti posible a panangibabawida ti iseserrek ti International Criminal Court iti pagilian
Ti sinarita ni Dela Rosa ket kalpasan nga inpakaammo ti Office of the Solicitor General a saan a kabaelan a lappedan ti Pilipinas ti iseserrek ti ICC tapno makasarita dagiti “person of interests” inaig iti war on drugs ti Duterte Administration
Segun kenni Dela Rosa, nu kayat ti pagilian a makitinnulong iti ICC ket awan ti maubrana ta awanda met iti malakanyang ken saanda a kontrolado ti gobierno
Awan met ti plano ni Dela Rosa nga agaramd ti aniaman nga addang nu di ket ipaima laengen iti namarsua ti gasatna ken bay-anda a ti umili ti mangukom no ania ti pudno a gagem ti gobierno ken ti ICC
