Awan pay laeng agingga ita ti sungbat ni Senador Bato dela Rosa iti singasing dagiti dadduma a senador a saanna pay laeng nga awaten ti sueldo ken allowances gapu iti saanna nga iseserrek iti Senado.
Segun ken ni Senate President Tito Sotto III, mano bulanen ti napalabas sipud impadanonna daytoy a singasing ken ni Dela Rosa babaen iti anak ti senador a chief of staff iti opisina.
Nupay kasta, awan pay ti sungbat ni Dela Rosa iti panawagan a saan pay laeng nga umawat iti sueldo.
Immapela met ni Sotto ken ni Dela Rosa nga agdesision daytoy iti kabiitan a panawen ken saannan nga urayen a ti pay laeng Senate Ethics Committee pay laeng ti agdesision.
Immunan a pinasingkedan ni Ethics Committee Chairman Senador JV Ejercito nga awan pay ti sungbat kenkuana ni Dela Rosa kalpasan ti panangisingasingna nga agboluntaryo a saan nga umawat iti sueldo.
