Idurduron ni Senador Bam Aquino ti pannakairuar iti publiko iti amin nga ebidensya a sangsangwen iti impeachment trial ni Vice President Sara Duterte tapno silulukat ken transparent ti proseso para iti umili.
Segun ken ni Aquino, mangipila isuna ti mosyon iti umuna a lawas ti trial tapno kiddawen nga ipakaammo ti publiko iti amin nga ebidensya a sangsangwen ti agsumbangir a grupo.
Kinuna ni Aquino a ti umuna a lawas ket ag-fileda iti motion to release a pannakaipresentar iti ebidensya iti publiko.
Impaganetget ti senador a napateg a maikkan ti gundaway iti publiko a subaybayan iti ebidensia tapno mabakubel iti bukod a panagadal ken saan a mangnamnama iti madi nga impormasyon.
Impaganetgetna a ti impeachment ket maysa a seryoso a proseso nga inkeddeng ti konstitusion ken saan a a kellaat lattan nga agikkat iti maysa a nabotosan nga opisyal ta kasapulan ti botos iti 2/3 iti amin a senador-judges.
