VIGAN CITY– Aglosolos iti puwesto ken boluntaryo nga agpabalud ni Sen. Antonio Trillanes IV nu mapaneknekan a saan nga usto dagiti pammabasol na kontra kenni Presidente Rodrigo Duterte.
Babaen iti pannakiuman-uman ti Bombo Radyo Vigan kenkuana, kinarit ni Trillanes ni Presidente Duterte nga idatag na iti bank account na ken paneknekan na nga awan iti pakainaigan na kadagiti pammapatay iti pagilian, kangrunaanen iti pannakatay ni Jun Pala a maysa a journalist tapnu isardeng nan iti panagkondenar na iti agdama nga administrasyon.
Innayon iti senador a normal laengen para kenkuana iti makaawat iti pangta iti biyag na, nangruna nu daytoy ket naggapu iti presidente gapu ta ammo na a paset dagitoyen a banag iti mandato na kas maysa a senador ken nalatak a kritiko iti administrasyon.
