Pinasingkedan ni dati a Senador Leila de Lima nga adda itan iti protective custody ti International Criminal Court (ICC) ni Edgar Matobato, maysa Self-confessed Davao death squad (DDS) hitman.
Segun ken ni De Lima, pimmanaw ni Matobato iti Pilipinas idi maikadua a quarter ti 2024 gapu ta ikagkagumaan ti ICC prosecutor ti mangala kenkuana para iti agtultuloy nga imbestigasionda maipapan iti war on drugs ti administrasion ni Duterte ken dagiti pammapatay iti Davao death squad.
Innayon pay ni De Lima a dagiti testimonia ni Matobato ken ti sabali pay a dati a kameng ti DDS a ni Arturo Lascañas, ket inadal ti piskal ti ICC, ken inawatda dagiti testimonia da Motabato ken Lascañas.
Nangted ni Matobato iti detalyado nga impormasion maipapan kadagiti aktibidad ti DDS iti rehion ti Davao idi 2016, a nakaibagaanna dagiti panagpada dagiti pammapatay a mainaig iti war on drugs ni Duterte.
Kabayatanna, kinuna ti Palasio nga awan ti ammoda iti ipapanaw ni Matobato.
