VIGAN CITY – Dead on Arrival ti maysa a security guard, agtawen ti duapulo ket innem nga agnaed idiay Brgy. Rivadavia, Narvacan gapu ti panagbekkelna.
Segun ti Narvacan Municipal Police Station, nakita ti katugangan ken putot ti biktima a nakabitin laengen babaen ti tali nga adda ti kaatiddogna a 4.5 a metro.
Maibasar ti imbestigasyon, agmeryenda koman ti putot ti biktima idi ayabanna ti amana ngem saan a simmungbat ket nairana a napan immisbo ti katuganganna iti laud a paset ti tawa ti pagturturogan ti biktima idi nakitana a nakabitinen ti biktima a mapapati a timpwak iti tawa apaman a naigalotna ti tali iti tengngedna.
Nagtitinnulong ti pamilia ken gagayyem ti biktima ti panangikkat ti tali ti tengngedna ket imbabada ken impan iti Ilocos Sur District Hospital-Narvacan ngem naipakaammo a dead on arrival babaen ti attending physician-na.
Nupay kasta, awan iti nai-report a nakariri wenno parikotna iti pamilia wenno personal kas kinuna ti kabagyan ken katugangan ti biktima.
