VIGAN CITY – Maysa a security guard iti nasarakan a pimmusay ta mapapati a naatake iti Provincial Library iti Brgy. III, Vigan City, Ilocos Sur.
Naigbig ti pimmusay a ni Arnolfo Orbi Tenorio Jr., agtawen ti uppat a pulo ket innem, naasawaan nga agnaed idiay Brgy. Pantay Daya, Vigan City.
Maibasar iti inisyal nga imbestigasyon dagiti pannakabagi ti linteg, nagturong iti guardhouse ni Emmanuel De Guzman Rapisura, agtawen ti uppat a pulo ket maysa, naasawaan, Project Staff iti Provincial Capito nga agnaed idiay Brgy. Otol-Patac, San Ildefonso tapno riingen ni Tenorio idin nakitana nga awan iti puotna isu a nagpatulong kadagiti kameng iti PDRRMC.
Naipan pay laeng iti Ilocos Sur Provinicial Hospital Gabriela Silang ni Tenorio ngem naideklarar a dead on arrival.
