VIGAN CITY – Kaso a reckless imprudence resulting to physical injury ti sangwen ni Gaudencio Castillo, agtawen ti tallo pulo ket pito, naasawaan, security guard ti maysa a bangko idiay Cabugao gapu iti saanna a naigagara a pannakapaltog kadagiti dua a kakadua na.
Nabigbig dagiti biktima a da Jerson Alviar, agtawen ti tallo pulo nga agnaed idiay Brgy. Namalpalan, Magsingal kenni Demy Mart Baclig, agtawen ti dua pulo ket siyam nga agnaed idiay Brgy. Pug-os, Cabugao.
Maibasar iti inisyal nga imbestigasyon, daldalusan ni Castillo ti service firearm na isu a nakaipaturong iti baba ngem aksidente a nakalbit na iti gatilyo ti paltog.
Agsipud iti dayta, natamaan iti shrapnel iti bala ti akin-kannigid a paset iti mabagbagi ni Alviar ken akin-kannawan a saka ken lansa-lansa ni Baclig.
Ti agdama, adda iti ospital dagiti biktima para iti naan-anay a pannakatamingda.
