Natay ti maysa a security escort ni Manila Mayor Isko Moreno Domagoso ta pinaltogan dagiti riding-in-tandem idiay Tondo, Manila kas pinasingkedan ti Manila Police District.
Nabigbig ti biktima a ni George Capistrano, agtawen iti limapulo ket innem, retirado a polis ken agnaed idiay Barangay 134, Balut.
Segun kadagiti otoridad, napasamak iti pammaltog itay alas dose iti parbangon iti sangwanan iti pagtaengan ti biktima iti nagbaetan iti Salonga ken Buendia Street.
Mapapati nga inasitgan dagiti dua a lalaki a nakalugan iti motorsiklo sada pinaltogan.
Insigida met a naipan iti Tondo Medical Center ngem naideklarar a dead on arrival.
Segun ti misisna a ni Andrea, nangnggegna iti dua a putok iti paltog bayat nga adda iti uneg iti pagtaenganda ket idi rimmuar, isun ti pannakakitana iti asawana a nakaidda.
Nakalibas dagiti suspek ken agdaman a sapsapulen dagiti otoridad ken imimbestigaranda no ania iti motibo iti pammaltog.
