Dakkel ti naitulong dagiti naassign a polis iti agduduma a unit ti Philippine National Police (PNP) iti maikatlo nga State of the Nation Address (SONA) ni President Ferdinand Marcos Jr. ken iti naisayangkat a search and rescue operations gapu ti epekto ti Bagyo Carina ken Habagat.
Segun ken ni PNP Public Information Office Chief PCol. Jean Fajardo, dagiti nasao a polis ket nagserbi a nayon a pwersa kangrunaan idiay National Capital Region Police Office nga isu ti nakaiyakaranda.
Karaman kadagiti naiyakar ti 75 a polis manipod Vice-Presidential Security Protection Group, 150 manipod manipod Presidential Security Group ken nasurok innem a gasut manipod National Headquarters iti PNP.
Gagem ti liderato ti PNP a mapapigsa ti police visibility idiay Metro Manila.
