--Ads--
Imbaban ti Department of Foreign Affairs (DFA) ti security alert warning para kadagiti Pilipino nga adda idiay Israel.
Segun ti DFA, gapu ti positibo a developments ket agbalinen a level 2 wenno restriction phase manipod iti dati a level 3 a Voluntary Repatriation.
Immunan a nakaragsakan iti gobierno ti Pilipinas ti nagtulagan ti Israel ken Iran a mangipatungpal ti ceasefire.
Maibasar iti patta ti DFA, adda 30,000 a Pilipino idiay Israel a kaaddoan ket dagiti caregiver idinto a 1,100 met idiay Iran.
-- ADVERTISEMENT --
Sinigurado ti DFA a bantayanda a nalang iti sitwasyon ti rehiyon ken ingatoda ti alert level nu kasapulan.
