Pinadayawan ti Senado ni outgoing Senate Renato Bantug gapu iti naisangsangayan a naarami ken kontribusyonna iti Senado.
Ni Senate Majority Leader Juan Miguel Zubiri iti nag-sponsor iti Senate Resolution No. 262 a mangted ti pammadayaw ken panagyaman iti napudno a panagserbina iti Senado iti uneg iti dua a dekada.
Nangrugi a nagtrabaho ni Bantug idi 1995 kas staff ni dati a Senate President Franklin Drilon agingga nagbalin a Chief of Staff ni Drilon iti 16th ken 17th Congress.
Nadutokan ni Bantug a Senate Secretary idi 19th Congress iti salinong ni dati a Senate Pres. Zubiri, dati a Senate Pres. Francis Chiz Escudero ken agdama a 20th Congress iti salinong ni Senate President Vicente “Tito” Sotto III.
Nagyaman iti sumagmamano a senador iti naitulong ni Bantug nangruna iti panangsigurado a sumursurot iti Senado kas mayataday iti pagannurotan, bilin ken iti konstitusyon a nakatulong tapno mapagtalinaed ti kredibilidad ti senado iti baet dagiti pammabalaw.
