Imbilin ni Education Secretary Sonny Angara ti pannaka-review ti DepEd policy maipapan iti pannakasuspenso ti klase bayat ti bagyo, a gagemnma a mabalanse ti kinatalged dagiti estudiante ken mannursuro iti pannakakissay dagiti bilang a naawan a school days.
Ti panag-review ket kalpasan ti sumagmamano nga aldaw a pannakasuspenso ti klase gapu kadagiti nabiit pay a bagyo, a nagresulta iti adu nga aldaw nga awan iti serrek.
Ti agdama a policy DepEd Order 37 ket automatiko a mangsuspenso dagiti klase kadagiti lugar iti sidong ti Tropical Cyclone Wind Signals 1-5.
Bigbigen ti DepEd a ti automatic suspension babaen ti Signal No. 1 ket mabalin nga agtungpal iti saan kasapulan a pannakasuspenso ti klase kadagiti lugar nga addaan iti nasayaat a paniempo.
Planoda ti DepEd makipagkita iti Department of the Interior and Local Government (DILG) ken PAGASA tapno pagsaritaanda dagiti mabalin a revisions.
