VIGAN CITY – Naiteden ti maikadua a batch ti tulong pinansial kadagiti dua a regular member ti New People’s Army ken siam a miembro ti Militia ng Bayan ti Ilocos Sur kabayatan ti Peace Building and Former Rebels Organizational Summit.
Gapu ti dayta, naragsakan ni Gov. Ryan Singson ta makitanan ti bunga ti panagkikinnammayet ti agduduma a sangay ti gobierno lokal ken national tapno maparmek dagiti armado a grupo ditoy probinsia isu a kiniddawna kadagiti rebelde a sumukodan iti gobierno tapno mariknada met dagiti napintas a proyekto ken programa nga ipaayda.
Nasurok maysa a milion a financial assistance ti naited kadagiti benepisyaryo a dayta ket binukel ti immediate assistance, firearms renumeration ken reintegration program babaen ti NTF-ELCAC malaksid pay ti maysa a dati a regular NPA a nakaawat iti livelihood assistance.
Karama kadagiti dimmar-ay iti taripnong ni Department of the Interior and Local Government Provincial Director Randy Dela Rosa, Lt. Col. Rodrigo Marinas Jr.,a Commanding Officer ti 81st Infantry Battalion, Philippine Army ken ni PLt.Col. Simeon Damolkis iti Ilocos Sur Police Provincial Office.
