VIGAN CITY – Naisayangkat iti search warrant operation kontra iti street level individual idiay Sitio Bubungen, Brgy. Nagcullooban, Sinait.
Naglabsing iti Republic Act 9165 ni Elvis Yoro Ingan, agtawen ti tallopulo ket siam, naasawaan, awanan trabaho nga agnaed iti nasao a lugar a maibilang a street level individual, provincial priority target list ken PDEA Provincial target list ket kinemmeg isuna dagiti otoridad iti naisayangkat a search warrant operation.
Naala kenkuana iti coin purse a kulay brown a naglaon iti walo a babassit a heat-sealed transparent plastic sachet a naglaon iti mapapati a shabu, siam a piraso iti empty transparent plastic sachet, dua a disposable lighter ken maysa a cellphone.
Mapatta-patta nga aggatad ti P6,800 iti nasurok-kumurang maysa a gramo nga ilegal a droga a naala manipod ti suspek.
Naipan ti suspek ti Ilocos Sur District Hospital para iti medical examination ken addan iti kustodia iti Sinait Police Station para iti documentation ken pending case para iti panaglabsing ti RA 9165 kontra kenkuana.
Karaman a naipan iti Sinait Police Station ti naala nga ebidensya tapno dumalan ti examination.
