VIGAN CITY – Balligi ti pannakaiwayat ti search warrant operation iti uneg ti pagtaengan ni Barangay Captain Elpidio Abalos Vitorio Jr., agtawen iti innem a pulo ket siam idiay Baranagy Patac, Burgos.
Babaen ti nagtipon a puersa ti Burgos Municipal Police Station nga idaulwan ni Police Captain Melvin Trinidad kaduada ti Nagbukel Police Station ken Banayoyo Police Station, RID1, RIU1, ISPIU, 144 SAC/14SAB ken 1ST ISPMFC ket naiwayat ti operasyon babaen ti bileg ti search warrant no 4 series of 2023 nga imparuar ti Presididing Judge ti RTC Branch 22, Narvacan.
Naala manipud iti pagtaengan ni Vitorio ti maysa a Colt M16 rifle nga addaan iti serial number 9011507, 173 a piraso ti caliber 5.56 ammunitio, maysa a slug ti caliber 5.56, tallo nga empty shell ti caliber 45, lima a piraso ti long magazine para iti M16 ken dua a piraso ti short magazine ti M16.
Ti pannakaiwayat ti search, seizure, markings ken inventory ket babaen ti kaadda dagiti respondent ken pannakaimatang dagiti barangay official ken barangay chief tanod.
