Search warrant operation, naiwayat iti maysa a pagtaengan iti ili ti Cabugao

VIGAN CITY – Balligi a naiwayat ti search warrant iti pagtaengan ni Eleuterio Mercado, agtawen iti limapulo ket uppat, naasawaan, mannalon nga agnaed iti Barangay Sisim, Cabugao.

Naala iti uneg ti pagtaengan ni Mercado ti maysa a piraso ti caliber 45 ken maysa a piraso ti caliber 30.

Nairuar ti search warrant babaen ti Presiding Judge, RTC Branch 24, Cabugao, Ilocos Sur a napetsaan iti November 4 iti agdama a tawen.

Ti operasyon ket naimatangan ti pamiliana, Barangay Captain ken Barangay Kagawad.