--Ads--

Naiwayat ti search warrant operation kontra ti maysa a mangngalap idiay Santiago gapu iti panaglabsingna iti Republic Act 10591.

Ti suspek ket agtawen iti uppat a pulo ket uppat, naasawaan nga agnaed idiay Barangay Ambucao, Santiago.

Insayangkat dagiti pannakabagi ti linteg ti search warrant operation iti pagtaengan ti suspek kalpasan nga inruar ti Presiding Judge, RTC Branch 9, Family Court, Narvacan, Ilocos Sur.

Iti pannaki-uman ti Bombo Radyo Vigan ken ni PEMS Iris Lois Pamaran iti Santiago Municipal Police Station, iti panagsukimat dagiti otoridad ket naala iti maysa a unit iti caliber .38 SPL revoler nga addaan iti dua a live ammunitions; maysa a piraso iti empty magazine iti caliber .45; maysa a piraso iti transparent heat-sealed sachet a naglaon iti dried marijuana seeds; ken maysa a piraso iti black leather holster.

-- ADVERTISEMENT --

Segun ken ni Pamaran, saan a lisensyado ti naala a paltog iti suspek idinto a dagiti naala a napagango a bukel ti marijuana ket naipasan iti forensic unit para iti pannakaadalna.

Naammoan nga iti napalabas a sangapulo ket maysa a tawen ket naalaan manen iti paltog ti suspek.