VIGAN CITY – Panaglabsing iti Republic Act 10591 ken Republic Act 9165 iti sangwen ti maysa a lalaki a nakemmeg iti naisayangkat a search warrant operation idiay Brgy. Sucoc, Narvacan, Ilocos Sur.
Nabigbig ti naiwayatan ti search warrant a ni Mark Kevin Qualquera Caberto, agtawen iti duapulo ket walo, addaan ti live in partner nga agnaed idiay Brgy. Sucoc, Narvacan, nailista nga SLI and project iti salinong ti Coplan KAMALALA iti Narvacan Municipal Police Station.
Segun ti Narvacan PNP, naisayangkat ti search warrant no. 3 ken 4 series of 2022 a napetsaan idi August 11, 2022 nga inruar ni Hon. Elizabeth Bringas iti Presiding Judge iti RTC Branch 72 Narvacan gapu iti panaglabsingna iti RA 10591 ken RA 9165.
Ti panagtitinnulong dagiti pannakabagi ti linteg ket naisayangkat ti search warrant iti pagtaengan ni Caberto a nakaalaan kenkuana ti uppat a heat sealed plastic sachet a naglaon iti mapapati a napagango iti bulong ti marijuana, tallo a small heat sealed plastic sachet a naglaon iti mapapati a shabu, maysa nga unit iti caliber 38 revolver nga adda iti tallo a balana ken dua a nadadael a tablet nga adda power marking-na.
