VIGAN CITY – Balligi ti pannakaiwayat ti search warrant operation iti uneg ti kubo ni Ramil Sinampaga Garcia idiay Barangay Salapasap, Cabugao a daytoy ket nakalibas sakbay ti operasyon.
Ti search warrant ti akusado ket inruar ti Presiding Judge, Branch 24, Cabugao a napetsaan iti July 17, 2023.
Iti pannaki-uman ti Bombo Radyo Vigan ken ni Police Major Juan Jhayr Maggay, ti akusado ket maysa nga street level individual, ken karaman iti watchlist ti Philippine Drug Enforcemet Agency.
Datin a natiliw iti buy bust operation ti akusado ngem na-acquit idi ti kasona ket ita, sinublianna manen ti iligal nga aramidna.
Kabayatanna, nasarakan ken nakumpiskar manipud iti kubo ti akusado ti siam a small heat-sealed plastic sachet a naglaon iti mapapati a shabu nga agdagsen iti nasurok kumurang 0.6 grams ken aggatad iti PHP4,080.
Naala pay ti maysa a yellow straw a nausar nga improvised scoop ken ti maysa nga small rolled foil a nausar nga improvised tooter.
Nakalibas ti akusado idi maamuanna nga adda pulis iti kubona ngem nupay kasta ket matuloy latta a mapilaan iti kaso.
