VIGAN CITY – Kaso a panaglabsing ti Republic Act 10591 iti maipila kontra ken ni Ramil Sonido Abaya, agtawen ti uppat a pulo ket innem, naasawaan, Florida bus conductor nga agnaed idiay Barangay Arnap, Cabugao gapu iti pannakaala kenkuana iti agduduma a bala iti paltog.
Iti pannaki-uman ti Bombo Radyo Vigan ken ni PMaj. Juan Jhayar Maggay a hepe ti Cabugao Municipal Police Station, immunan a naawatda ti report inaig iti panagpaltog ni Abaya a gappuanan ti panang-verify da agingga nakumpirmaranda iti araramidenna isu nga insayangkatda iti operasyon.
Segun ken ni Maggay, iti pannakaisayangkat ti search warrant operation iti pagtaengan ti suspek ket isun ti nakaalaan ti tallo nga empty shelles para iti cal. 38, tallo a live ammunition para ti cal. 38, lima a live ammunitions para iti cal. 9mm, maysa a live ammunition para iti cal. 30 ken maysa a live ammunition para iti cal. 32.
Nupay naala dagiti bala manipod ti suspek ket saan a naala kenkuana ti paltog nga araramatenda isu a patienda a naidulinna sakbay iti operasyon.
VOICE CLIP OF PMAJ JUAN JHAYAR MAGGAY
