VIGAN CITY – Maysa a unit iti guage 12 rifle shotgun, siam a live ammunition ken sangapulo ket dua a fired cartridge case iti Cal. 38 ammunition iti naala iti maysa a mannalon iti pannakaisayangkat ti search warrant operation iti pagtaenganna idiay Brgy. Guimod Sur, San Juan.
Iti pannaki-uman ti Bombo Radyo Vigan ken ni PMaj. Christopher Ramat, hepe iti San Juan Municipal Police Station, nakemmeg ni Jayson Lagasca Panlasigui, agtawen iti tallopulo ket tallo, baro, naasawaan nga agnaed iti nasao a lugar ta napaay a nangipresentar iti dokumento dagiti nasao a bala ken paltog.
Segun ken ni Ramat, adda iti nangipakaammo kadakuada nga isalsalda ni Panlasigui ti paltog kadagiti agkasapulan ti paltog a maysa a rason iti operasyon.
Naipan ti suspek ken dagiti naala nga ebidensya kenkuana iti San Juan Police Station para ti documentation ken proper disposition.
Iti agdama, maisagsaganan ti kaso kontra ti suspek inaig ti panaglabsing ti RA 10591.
VOICE OF PMAJ. CHRISTOPHER RAMAT
