VIGAN CITY – Kinemmeg dagiti pannakabagi ti linteg ti maysa a lalaki babaen ti search warrant operation nga naiwayat idiay Brgy. 6, Vigan City.
Nabigbig ti suspek a ni Joseph Tacud agnaed ti nasao a lugar, drug surrenderee.
Inwayat ti Regional Drug Enforcement Unit, Vigan City Police Station, PDEA Ilocos Sur, Ilocos Sur Police Provincial Office, SWAT ti operasyon no sadino naala iti kwartona ti dua kaha iti sigarilyo nga aglaon ti pakabuklan a innem a sachet ti shabu, caliber 357 a paltog nga adda ti uppat a bala na ken napagango a bulong iti marijuana ken drug paraphernalia.
Ti search warrant no. 03 series of 2002 ket inruar ni Acting Presiding Judge Leah Agripina Ramirez Florendo ti Regional Trial Court, First Judicial Region, Branch 20, Vigan City.
Ti agdama iggemen ti kapulisan ni Tacud ken dumalan ti eksaminasyon pakairamanan dagiti mapapati nga iligal a droga a naala.
