VIGAN CITY – Panaglabsing iti Republic Act 9165 ken Republic Act 10591 iti sangwen ni Emmanuel Tolentino Padilla, agtawen iti tallopulo ket maysa, awanan trabaho nga agnaed idiay Barangay Sagayaden, Cabugao kalpasan a naisayangkat iti search warrant operation.
Dagiti search warrant ni Padilla ket agpada a napetsaan idi October 24, 2023.
Iti pannaki-uman ti Bombo Radyo Vigan kenni PMaj. Juan Jhayar Maggay iti Cabugao Municipal Police Station, aminado ti suspek ti ilegalna nga aramid kaduana ti maysa pay a lalaki a naabutan iti operasyon isu a napaayaban iti police station para iti naan-anay pay nga imbestigasyon.
Naala kenkuana iti maysa a cal. 38; maysa a disassembled cal.45, maysa a gand grenade, assorted ammunitions, agduduma a digital pocket weighing scale ken maysa a magazine para iti cal.45.
Innayon ni Pmaj. Maggay a dagiti naala a paltog ken granada ket naisalsalda iti suspek nga itan ket addan iti kustodiya iti Cabugao Municipal Police Station para iti proper documentation sakbay iti pannakaiturn-overna iti issuing court.
VIDEO OF PMAJ. JUAN JHAYAR MAGGAY
