VIGAN CITY – Balligi ti pannakaiwayat ti search warrant operation iti pagtaengan ni Bonifacio Ciubal, agtawen iti tallopulo ket uppat, taga-Barangay Sta. Lucia, Narvacan.
Babaen iti panagtitinnulong dagiti pannakabagi ti linteg babaen iti panangidaulo ti Narvacan Police station a nagserbi kas lead unit, inserbida ti Sear warrant nga inraur ti Presiding Judge ti RTC Br 72 Narvacan gapu iti panaglabsing na iti RA 10591 ken RA 9165.
Naala iti pagtaengan ti suspek ti maysa a caliber 38 revolver nga adda marka na nga Smith & Wesson; tallo a piraso ti live ammunitions ti Caliber 38 ken maysa a dakkel a plastic nga aglaon ti mapapati a bulong ti marijuana nga agdagsen ti walo gramo ken adda market value na a 960 pesos.
Iti agdama ket iggemen dagiti pannakabagi ti linteg ti suspek para iti proper documentation ken disposition.
