--Ads--
VIGAN CITY – Inwayat dagiti pannakabagi ti linteg iti search warrant operation idiay Brgy. Apatot, San Esteban a nakemmegan ti suspek.
Nabigbig ti nakemmeg a ni Francisco Gamboa agtawen ti tallo pulo ket walo, mangngalap ken agnaed ti nasao a barangay.
Basar ti report ti San Esteban Municipal Police Station, inserbida ti Search Warrant No. 01-2022 inaig iti panagikot ti paltog wenno panaglabsing ti Republic Act 10591 kontra kenni Gamboa ket naala manipod ti pagtaenganna ti maysa a magazine ti caliber 45, ptio a bala ti caliber 45 ken nangisit a potch.
Ti agdama igemmen ti PNP ti suspek a sumango ti kaso ken ti operasyon ti PNP ket naimatangan dagiti kameng ti barangay ken media.
-- ADVERTISEMENT --
