Imbilin ni Philippine Coast Guard (PCG) Commandant, CG Admiral Ronnie Gil L Gavan iti BRP Sindangan (MRRV-4407) a mangisayangkat ti search and rescue (SAR) operation para ti mapukpukaw a mangngalap a Pilipino iti kabaybayan a sakupen ti 62 nautical miles manipod bagatan a daya idiay Sampaloc Point, Subic, Zambales.
Segun ken ni PCG Spokesperson, CG Rear Admiral Armando Balilo, ti Filipino fishing boat Fbca John Robert ket natamaan iti saan pay a nabigbig a vessel a gappuanan ti pannakalnedna.
Nakalasat ni Robert Mondoñedo, agtawen iti uppat a pulo ket pito ngem mapukpukaw ti kabsatna a ni Jose.
July 1 idi pimmanawda idiay Barangay Wawandaue, Subic babaen ti payao-da iti kabaybayan ti Sampaloc Point tapno agkalap idin natamaanda ti saan a nabigbig a vessel idi July 3 iti alas tres iti malem.
Nagtalinaed ni Robert iti payao iti tallo nga aldaw ket idi adda limmabas nga Fbca Irish Mae idi July 6, 2024 iti alas otso iti bigat ket nagpaarayat isu a nakaawid idiay Barangay Wawandaue iti 6:30PM.
Pinakaammoanen ti PCG Spokesperson iti Coast Guard Station (CGS) Zambales ken nakikammayetdan kadagiti kaasideg a barangay ken local fisherfolks nu nakitada ti nasao a mapukpukaw a mangngalap.
