--Ads--
VIGAN CITY – Saan a maawanan iti namnama ti pamilya ni Rafael Pataksil Dimalibot a masarakanda isuna a mapapati a mapukpukaw iti kabaybayan a sakopen ti Brgy. Puro, Magsingal.
Iti pannaki-uman ti Bombo Radyo Vigan kenni Renz Jordan Dimalibot, putot ni Rafael, saan da nga agsardeng a mangsapol ti amada a mapukpukawen a nagpakada idi March 6 ti parbangon tapno mapan agkalap usar ti bangkada nga adda iti markana nga ORLIE.
Nagpanawaganda kadagiti umili ken agdendengeg ti istasyon ti Bombo Radyo a no man makitada ti ama na ket ipakammuda nga insigida kadakuada.
Nakasuot ti nangisit a sweater nga adda ti puraw a linyana ti manggasna.
-- ADVERTISEMENT --
Ti agdama nagtitinnulungan dagiti bumarangay ti Puro tapno mabirokan ken maisalakan ni Dimalibot.
