VIGAN CITY – Naballigi ti panagiwaras dagiti Sangguniang Kabataang officials iti school supply para kadagiti junior high school, senior high school ken college idiay Brgy. Sucoc, Narvacan tapnp makatulongda kadagiti estudiante a gumiddan iti baro a klase ti panagadal ita a pandemya.
Iti pannaki-uman ti Bombo Radyo Vigan ken ni SK Chairperson Charmae Montano, 69 ti nawarasanda iti phone keyboard ken earphones a kolehio; 94 dagiti Junior High School a nawarasan iti phone stand ken papel ken 48 ti nawarasan a Senior High School iti study table.
Immuna a kiniddaw kadakuada ti Katipunan ng mga Kabataan a laptop ti maited ngem gapu ta 10 percent laeng ti budget ti SK ket nangpanunotda ti sabali a wagas.
Ti pannakaiwaras dagiti nasao nga alikamen ket babaen ti tulong dagiti SK Kagawad, Brgy Officials a nangtartarabay kadakuada ken dagiti adu a volunteer a nangtulong tapno makompletoda ti listaan dagiti ikkanda.
