VIGAN CITY -Kritikal ti sitwasyon ti maysa nga school principal kalpasan a nadungpar iti motorsiklo idiay Bulanos-Sulvec Port Road, Brgy Bulanos, Narvacan.
Nabigbig ti biktima a ni Nenita Dela Cruz, agtawen iti innem a pulo ket uppat a taga Brgy. Lungog, Narvacan idinto a ti nakadungpar ket dagiti nagkalubbon iti motorsiklo a da Mervie Piano, agtawen ti tallopulo ket maysa, drayber ken ti backrider na a menor de edad, agpada a taga-Brgy. Capangpangan, Vigan City
Iti pannaki-uman ti Bombo Radyo Vigan ken ni Pcapt. Sonny Cabbat, Chief of Police ti Narvacan Police Station, lumasat ti biktima nga agpadaya idi nadungpar ti motorsiklo iti amianan a paset ti kalsada. Gapu dayta, nagsagaba iti nakaro a dunor ti biktima a naipaagas iti Ilocos Sur District Hospital Narvacan.
Dagiti met naglugan iti motorsiklo ket nagsagaba iti minor injuries.