Inwaragawag ti Philippine Embassy idiay Islamabad ti kanselasyon ti scheduled consular ken overseas voting mission idiay Lahore gapu iti security tensions iti India-Pakistan border.
Rimsua ti diplomatic tensions kadagiti dua a nuclear-armed nations kasaruno ti pannakaraut dagiti turista iti mapagin-innagawan a Kashmir region idi napan a bulan.
Pinabasul ti India ti Pakistan a nainaig iti panagraut, ngem pinaglibakan met ti Islamabad.
Segun iti Pakistan, adda ‘credible intelligence’ a kayat ti India a mangirusat iti military action.
Aghost koma ti Philippine Honorary Consulate idiay Lahore ti consular ken overseas voting mission manipud Mayo 3-4 ngem kinanselar ti embahad iti baet ti agtultuloy a Red Alert status idiay Punjab ken ‘heightened security tensions’.
Maisayangkat ti supplementary consular mission ita a tawen, basar iti embahada tapno masigurado nga adda access dagiti apektado a Pilipino kadagiti kasapulan a serbisyo para iti nataltalged nga aglawlaw.
