VIGAN CITY – Nairruar ti iskedyul iti maikadua a panagbakuna dagiti nakaawat ti AstraZeneca Vaccine nga agnaed ti siudad ti Vigan.
November 22 maisayangkat ti panagbakuna idiay Ilocos Sur National Highschool para kadagiti nakaawat ti bakunada idi October 6 ken 7 oras ti 8:00 ti bigat agingga 12:00 ti malem ken agsublin ti oras ti 1:00 agingga 2:00 ti malem.
Para kadagiti nabakunaan idi October 13,14,15,18 mabakunaan da ti secondose inton November 23 8:00 ti bigat agingga 12:00 ti aldaw ken agsubli oras ti 1:00 agingga 2:00 ti malem.
November 24 mabakunaan dagiti nagbakuna idi October 19 iti nasao met laeng a pagadalan oras ti 8:00 ti bigat agingga 2:00 ti malem ken dagiti nabakunaan idi October 20 mabakunaanda ti November 25 iti nasao met laeng nga oras ken vaccination site ken kabigatanna November 26 dagiti natudukan idi October 21.
Para kadagiti nabakunaan ti 1st dose ti Sinovac Vaccine idi October 23 agingga 27 maisayangkat ti second dose da inton November 26 oras ti 2:00 ti malem agingga 2:30 ti malem.
Umaboten 25,912 ti fully vaccinated iti syudad ti Vigan a tukad ti 65.78% ken 43,355 ti nakawat ti first dose wenno katukad ti 110.07%
