--Ads--
VIGAN CITY – Inyatiddog pay ti Commission on Elections iti Voter Registration para ti 2022 National and Local Elections agingga October 30, 2021.
Segun ti Comelec-Bantay, maisayangkat ti extended voter registration idiay 2nd floor (LCS Hall), Municipal Legislative Building, Brgy. V, Bantay iti oras ti alas otso ti bigat agingga alas singko ti malem inton October 11 agingga 15, October 18 agingga 22, October 25 agingga 30.
Ti addang ket tapno maikkan ti gundaway dagiti tattao a saan pay a nakarehistro a botante.
Kabayatanna, ti issuance iti voter’s certificate ket maisayangkat inton October 15, October 22 ken October 29.
-- ADVERTISEMENT --
